Hair and Beauty Marathon 2007

Nhar it-Tnejn 19 ta' Marzu, nhar il-festa ta' San Guzepp, l-Iskola Santa Giovanna Antida regghet fethet il-bibien taghha mhux biss ghall-istudenti, genituri u ghalliema, izda ghall-pubbliku generali kollu.

Fl-iskejjel taghna qed isiru xi tibdiliet u thejjew bosta pjanijiet ghal zviluppi ohra sabiex it-tfal li jattendu fihom ikollhom ambjent li jimmotivahom sabiex jigu iktar bi hgarhom l-iskola u jkattru t-taghlim taghhom. Fost dawn il-progetti kbar insibu l-'gym' il-gdid li qed jinbena fl-iskola ta' Hal Tarxien. Ninsabu certi li la dan il-'gym' jitlesta, minnu se jkunu qed jibbenifikaw it-tfal kollha li jattendu l-iskejjel taghna.

Sabiex dawn l-izviluppi jkunu jistghu jirrealizzaw ruhhom mill-aktar fis possibli, nhar id-19 ta' Marzu tellajna maratona tal-'hairdressing' u sbuhija fl-Iskola Santa Giovanna Antida tal-Gudja. Din kienet it-tieni sena li tellajna din l-attivita' u bi pjacir kbir nixtiequ nhabbru li anke din is-sena l-attendenza tal-pubbliku generali kienet tajba ferm! Minbarra li konna qed noffru diversi servizzi f'jum ta' festa, tajjeb li nghidu wkoll li l-qligh kollu li sar minn din l-attivita' se jmur ghat-tkabbir ta' l-iskejjel taghna.

Minn qalbna nixtiequ nirringrazzjaw lill-voluntiera kollha li hadu sehem f'din il-maratona u offrew l-ghajnuna taghhom sabiex din l-attivita' tkun wahda ta' success! U grazzi lilkom ilkoll li ddedikajtu ftit mill-hin liberu taghkom sabiex zortu l-iskola taghna ghax permezz tal-kontribuzzjoni taghkom, it-tfal se jkunu jistghu jgawdu l-frott.