Mawra sal-Parlament u l-'Malta Experience'

Nhar it-Tnejn, 10 ta' Ottubru, 2005, aħna t-tfal tas-sitt sena morna ħarġa sal-Parlament Malti u l-'Malta Experience' fil-Belt Valletta. Appena dħalna l-Belt, bdejna sejrin dritt il-Parlament, li jinsab fil-Palazz Maġistrali. Laqagħna wieħed raġel li jaħdem hemmhekk stess, u bil-paċenzja kollha qagħad jispjegalna dwar il-Parlament u x-xogħol tad-Deputati Parlamentari, kif ukoll dwar min jaħdem hemm ġew. Tana ċans nistaqsuh, kif ukoll nieħdu xi ftit ritratti. Imbagħad morna fil-Kamra s-Safra; din hi karma tassew sabiħa, u tissejjaħ hekk, għax kulma hemm ġewwa fiha, huwa kollu isfar! Wara tlaqna għall-'Malta Experience', fejn bqajna deħlin ġo sala kbira. Hemmhekk ilbisna l-'headphones' u fi ftit mumenti, sibna ruħna naraw dokumentarju interessanti dwar l-istorja ta' Malta. Tassew kienet ħarġa edukattiva u rilassanti, għax mhux biss tgħallimna ħafna affarijiet, iżda striħajna ftit mir-rutina ta' kuljum!

(Melissa Marie Mifsud u Bernice Zammit -
Year 6 Ms. Maria)