Mawra F'Għar Dalam u Tarxien Temples

L-Għalliema tas-sitt sena ddeċidew li joħduna naraw Għar Dalam u Tarxien Temples, li huma parti mis-sillabu ta' l-Istudji Socjali. Bdejna billi morna Għar Dalam. Meta wasalna dħalna ġo sala fejn kien hemm 'charts' li jispjegaw eżatt dwar l-ewwel nies li ġew Malta. L-ewwel ħaġa li qalilna l-gwida, hija li f'dan il-post instabu l-għadam ta' l-annimali. L-ewwel nies li ġew f'Malta kienu joqogħdu ġo dan l-għar.

Kemm l-annimali kif ukoll in-nies ġew minn Sqallija. In-nies ġew b'xi ċatra u l-annimali ġew bil-mixi mill-Ewropa ta' fuq. Fost l-annimali kien hemm ċriev, iljunfanti, ippopotami, orsijiet, lpup u volpijiet. Dan l-għar ifforma ruħu bil-forza ta' l-ilma. Aħna u neżlin lejn l-għar rajna s-siġra nazzjonali li hija l-Għargħar u l-pjanta nazzjonali li hija Widnet il-Baħar.

L-aktar ħaġa li laqtitni fl-għar huma l-istalagmiti u l-istalaktiti. Dan l-għar huwa twil 144 metru. Pero aħna stajna ninżlu 55 metru minħabba s-sigurta'. Fl-aħħar żorna sala li fiha kien hemm l-għadam li stab. Wara żorna t-tempji ta' Ħal Tarxien. Hemmhekk hemm erba' tempji. L-aktar tempju fih sitt ikmamar u dan huwa l-ikbar wieħed f'Malta. L-iktar tempji antiki fid-dinja kollha jinsabu f'Malta. Jekk ikolli l-opportunita li nerġa mmur għall-ħarġa oħra bħal din, żgur li nidħlilha b'ruħI u ġismi daqs kemm ħadt pjażir.

Celine Talbot Year 6 Ms. Louise